Milan romantica
Musicata dal Maestro F. Patterlini
Al tramont,
l'officina la sara sù i pòrt
e Milan,
la se lava la faccia e i man.
Gh'è la nòtt,
disinvòlta, vestida de festa,
la splend in armonia,
coi gioeugh de fantasia.
Romantica te see Milan.
Cavalier che l'ofriss premuros
on bell fior a la dama che passa.
la sorid, la ringrazia e la lassa
sui sò pass on profumm malizios.
Lusingaa el cavalier el se gira,
la sbiòtta coi oeucc... e poeu 'l sospira!
La sù in ciel,
l'è inscì ciara la luna tra i stell,
d'on moment,
la città se colora d'argent.
Serenad,
l'orchestrina ghe sòna a ona tosa,
d'amor tanto smaniosa,
doman la sarà sposa.
La tocca el paradis coi man.
Cavalier che l'ofriss premuros
. . . . . . . . . . . . . . . . . . . . . .
Gh'è i copiett,
longh i spond del navili col fresch
tra de lor,
per l'eterno se giuren amor.
Tì Milan,
te see nò la Venèzia in laguna,
però a Pòrta Cicca
te gh'het sòtta la luna,
romantich el tò mar, Milan!