Milan di forestee
Musicata dal Maestro C. Merli
Ma quanta nostalgia
a stà lontan de tì,
oh car el mè Milan!
Quand rivi a la stazion,
tramezz a la calchera,
gh'è tanta confusion!
La lengua forestera
me mett in sudizion.
El Motta, l'Alemagna
hinn pù di tradizion.
El Biffi a l'è on rigòrd
di meneghin nostran.
Vernis e propaganda
bordeghen tucc i mur.
Milan te gh'hee la faccia
striada dal progress.
Lì gh'era on osteria
che l'era de l'Ambroeus.
Del Salvatore adess
gh'è 1ì ’na pizzeria.
La fera sui bastion,
el bell parlà nostran
l'è tutta fantasia
de mettela in di sògn.
Milan d'on Milanon,
città de gran respir,
metropoli del mond!
La tradizion l'usanza,
de cert al di d'incoeu,
l'è quella del patee!
Milan sù la balanza...
trii quart l'è forestee!
La nòstra mamma granda,
che là de l'alt del Dòmm
ghe scappa pròpi nient,
me dis in confidenza:
"Su daj fà 'l brav, stà quiett!
Fà minga el malmostos
che dòpo tutt infin
son semper tutta toa! "
Ma poeu a mezza vos
me par che la m'ha dii:
"E on poo di forestee!"