M'hann robaa i paròll

L’è stada 'na sventura

quand m’hann robaa dal coeur

i bei paròll che pròpi

vorevi digh a lee.

Tucc dolz paròll sincer d'amor

hinn quei che m'hann robaa.

Paròll gentil de scòrta

sòttman ghe n'hoo ben pòcch.

E lee anmò la spetta

i mè paròll d'amor.

Ma per adess ghe disi,

domà: Te voeuri ben!

Camini e guardi intorna

in tutti i sit del mond

per ricercà coi bei maner

paròll d'amor sincer.

E intanta lee la spera

de mett in del sò coeur

la giòia e la dolcezza

che mi gh’hoo daa.

L'è tanto bell con lee parlà

e digh cont i paròll

che gh'hoo anmò de scorta:

Te voeuri tanto ben!