Metamòrfòsi d'on terron
Musicata dal Maestro V. Corvasce - V. Boi
L'è fresch e misterios el gioeugh del mond
ch'el branca el tò destin come 'l voeur lù,
la sbatt de chi de là 'me on vagabond,
e ti coi man dedree te '1 catet sù.
Cont i folad del vent del gioeugh fatal
sont infilaa sui pist del gran Milan.
Quand senti ona canzon sentimental...
senza savè el perchè, guardavi lontan;
vedevi dent d'on sògn pien de magon
el ciel celest, al ciar del meridion.
Ma ona sera, mi sol
sòtt on ciel pien de stell,
hoo sentuu ona canzon milanesa...
La cantava on client d'osteria
col coeur meneghin.
E mi hoo vist el mè ciel,
e mi hoo vist el mè mar
sul navili speggias.
Gh’è scritt che son terron sul passaport,
ma stoo de cà là in fond del Ticines.
Milan per laorà m'ha dervii i pòrt,
con la coscienza a pòst, son milanes.
E col lenguagg del Pòrta, ben precis,
bausci pussee mì del meneghin
ch'el m'ha slongaa la man de bon amis.
Meridional son mì... ma cossa el voeur di!
Ormai l'è tanti ann che vivi chì,
son diventaa anca mì on meneghin!
On meneghin... on meneghin... on meneghin...