Me pias cercà con tì
Musicata dai Maestri C. Merli - U Marino
Me pias cercà con tì
la giusta e sol manera
per ditt cont 'na paròla:
* Te voeuri tanto ben! *
Me pias cercà con tì
la primavera,
che fà fiorì sul mond
la giòia vera.
L'è bell vedè spontà
la prima stella
che la risplend sul ciel
color carta morella.
L'è bell coi oeucc avert,
per svariass via,
sognà come se fà
per slontanà l'arlìa.
Me pias cercà con tì
la gibigiana
che illumina de l'alt
duu coeur e 'na capana.
Me pias con tì infin...
cercà l'amor eterno
e dopo pù nagòtta
el cunta el rest del mond.
L'amor eterno...
me pias cercal con tì!