Maria Scatolera
(Odalisca de ringhera)
Musicata dal Maestro V. Pinotti
On Califf vegnuu de l'Asia
m'ha rapida sù la Riva.
Dòpo poeu sul bastiment
m'ha portadà la in orient.
Cont el temp son diventada
fior de roeusa del desert
bionda Fatima la stella
d'on gran capp di beduin
favorida pussee bella,
ma lù dòpo come schiava
m'ha venduda al gran Pascià,
che content el m'ha sposaa.
Mì Fatima la bionda,
in de l’harem tutta biòtta
ballavi sù la sabbia
la sòtta el sô che scòtta.
Per contentà i caprizzi
del mè marì Pascià
ch'el vend in tutt el mond
del gran petròli a tutt andà.
In de l'harem sù la piuma
de stà lì me son stufida,
con l'aiutt d'on bell mas'ciòtt
dal mè spos hoo faa fagòtt.
E in sul goeubb d'on dromedari
son scappada in temp a cà.
E per minga taccà briga,
de gran mòda la "boutique"
là in Via Spiga ben piazzada
con la scelpa già pagada
in compens el mè Pascià
tutt in blòcch m'ha regalaa.
Maria Scatolera.
L'Odalisca de ringhera.
In grand a l'è l'insegna
su la "boutique" de mòda
là in Via de la Spiga
ch'el mè marì Pascià
per non avè di gran
per mì in compens m'ha regalaa.
Maria la Scatolera.
L'Odalisca de ringhera!