Madònn sul marciapee |
||
Musicata dal Maestro C. Merli
|
||
Mattina bonora, quand nass el sô, in genogion vestii a la carlòna, el segna cont el gess sul marciapee i lineament gentil d'ona Madònna.
Me fermi poeu guardi, ma gh'hoo de 'nda perchè l'è tardi, devi andà a bottega. Ma son curios de rivedè stasera quand torni a cà, se 'l disegn anmò el gh'è.
Madonnina colorada stà lì sul marciapee fin ch'el temp el te scancella da i oeucc de la toa gent.
Se on quei vun te passa sora ti perdonell, perchè el ved minga la belezza di Madònn sul marciapee.
Mattina bonora d'on dì che pioeuv, camini riparaa sòtta la gronda, e del bell disegn che l'è deslenguaa se ved domà 'na smaggia brutta e sporca.
Destin de Madònna sul marciapee, de viv domà in del temp per vess guardada, poeo l'acqua che l'inonda la contrada, la strusa in del tombin insèma a lee.
|
![]() |