La Via Scaldasoo
Musicata dal Maestro D. Borghi
Là in Piazza Sant Eustorg,
sul vers ch'el campanin
in dì mattin de sô
sui tecc el fà l'ombria,
gh'è on strenciorin de via
ciamada Scaldasoo
ch'el riva a malapena
fin ai cà de la Via Arena.
Scaldasoo di galantòmm,
Scaldasoo de la liggera,
de Milan apos del Dòmm
ti te se la gran linghera.
Con amor e coeur ardent,
Pòrta Cicca l'è tò mader,
el navili compiacent
te proteg pussee d'on pader.
Scaldasoo di tradizion,
Scaldasoo con nostalgia
te cantavet i canzon
che se canta a l'osteria.
La Via Arena in sul canton
te faseva de spalera
quant te seret per debon
de Milan la gran linghera.
Al temp del sò splendor,
coi pregi e i sò difett,
la stava lì de cà
l'usanza meneghina.
Quand brilla in ciel la luna,
el rest di mur di cà
fann de fondal de scena
ai giardin de la Via Arena.