La tosa del mornee
Oh luna, tanta ciara,
col color de la polenta, ma famela vedè stasera
la strada pussee curta, per piesè.
La tosa del mornee l'ha scritt sul fax
che m'ha mandaa, che l’è lì
coi brasc avert su l'uss de cà
che la me spetta.
Tal qual 'me l'è l'usanza
ghe doo per lee 'na ròsa,
'na ròsa rossa profumada
bagnada de rosada, senza spin.
Catada in del giardin de la del fòss,
quell ch'el divid i bei penser
de quei balord e nò sincer,
che dann fastidi.
'Me on sògn ch'el par fin vera,
el coeur in trasparenza,
paròll d'amor in fantasia,
ghe foo 'na serenada con ardor.
Per fagh capì per ben che senze lee
el mond per mì l'è tutt finii.
Sì ma però a pensagh ben...
l'è minga vera.
Oh se l'è bella!
Ma che belee!
La tosa del mornee!
Ma i ròs e i serenad
a lee ghe piasen nò!
La gh'ha 'l salvadanee
per mett i tò danee
Oh se l'è bella
la tosa del mornee!