La Teresita
Musicata dal Maestro V. Pinotti
L’è questa la mia stòria,
dal dì che son nassuda
sui spond del bell "Rio Grande"
ch'el bagna Pòrta Cicca:
tutta de pizz vestida
in gesa sù l'altar
m'hann battezzaa Teresa
Dolores del Pilar.
E poeu quand son cressuda,
coi fioeu sù la linghera
giugavom tucc insèma,
per nun l'era mai sera
e intanta me vosaven:
Sù balla Teresita
la linda mochachita
incantadora ti te see!
Olè olè olè olè olè!
Mi Teresita, strengiuda in vita,
la bocca fresca come on fior de piperita,
gh'hoo la mantiglia a la caviglia,
balli estanòce on paso dòble milanes.
Cont i ghitar e i mandolin
e on cavaliero col capell cont el coin.
Naccher che ciòcchen sòtta la luna
besame amor milanesito, olè olè!
Miguel che in de l'arèna,
di tòr l'era el tòrero
on dì lù el m'ha stregada
d'amòre fòrestero;
el m'ha portaa a Siviglia
e lì 'stoo brutt brigant
cont ona ròsetera
a l'è scappaa d'incant.
Con tanta nostalgia,
ormai abandonada
ai cà de la mia via
inscì mì son tornada,
e a la tarde de la sera
olè! Mi voo in balera
cont ona roeusa in bocca
e de la Spagna ghe n'hoo assee!
Olè Olè olè olè olè!