La strada di rigòrd

El scur de nòtt cont i sò stell,

col fil d'on ragg d'argent,

da l'alt del ciel el stend on vell

sui strad di vecc rigòrd.

Sospir, passion,

profumm d'on fior,

rigòrd d'on bell moment

ch'el torna pù.

La strada di rigòrd

la ved passà l'amor

con tutti i sò segrett

e tanta nostalgia.

I coeur inamoraa

che on dì hann dii de sì,

se fermen per spettà

el ciar de la mattina.

E lor semper content

se ciappen per la man.

Ormai el fen l’hann miss

d’on pezz sù la cassina.

L'amor col sò savor d'on dì,

tranquill in santa pas,

con l'autun l'è 'ndaa dormì

desora di frasch mòrt.

Rigòrd, speranz,

indiferent,

rotolen per i strad

al boff del vent.