La Rosetta de la Vedra |
||
Musicata dal Maestro C. Merli - C. Covini
|
||
On angel de belezza, di locch la reginetta, la mòrt con rusteghezza de sòtt la colonetta la vita spensierada de colp ghe l'ha ranzada.
Col profumm d'ona roeusa de magg, quand spontaven i stell e la luna, de perlee se faseva coragg e l'andava cercà la fortuna.
La cercava sui strad l'aventor ch'el scodeva i sò vizzi de sciora, e per quell la vendeva l'amor, ma 'l destin la mandava in malora.
Ghe diseven Rosetta de nòmm e de sòt la fatal colonetta pòcch distant de la Piazza del Dòmm, la batteva sul gir del rochetta.
On pilatt questurin, brutt cafù, cont el sangh che dedent ghe buiva, el voreva domà tutt per lù i sò grazzi de tosa espansiva.
La Rosetta, al contrari però, col soris de popòla smorfiosa, al pilatt ghe diseva de nò, ma con tucc l'era semper cerosa.
Cont el scur d'ona sera d'agost, pròpi sòtt la fatal colonetta, per ridagh a l'intòrt el sò cost, el pilatt l'ha mazzaa la Rosetta.
Per i strad, per i cort, sui ringher, la notizia in d'on boff l'è volada. La liggera vestida de ner, la vendetta tra lor l'hann giurada.
Ma la pola però col questor, commisari i caramba con cura su la tomba gh'hann miss tanti fior e coi locch hann piangiuu la sventura.
L'è questa la ballada che canten i liggera. La canten per la strada in libertà de sera. Ma sòtta sorveglianza la canten là in casanza.
|
![]() |