La "Miss Italia"

Tutti i mattin,

bella tosetta,

quand tì te passavet

per Via De La Spiga

con quell tò pass legger felpaa...

mi te guardavi e sospiravi.

Intanta dent de mì pensavi:

Cont on pretest che inventaroo,

decis la guardi in faccia...

e poeu la fermaroo!

Gh'hoo avuu vergògna...

Son nò stà bon!

Cavei longh in sù la s’cèna,

camisetta trasparenta

mini-sòcca stretta stretta,

gamba longa e ben tornida!

Ma si, l’è lee!

Sì sì, l’è pròpi lee!

La tosa de la Malia!

La "Miss Italia" de quest ann!

A l’era lee

la "Miss Italia"

ma mì el savevi nò.

E a furia de guardala

de lee me sont inamoraa.

La me piaseva e la vorevi.

E senza avegh l'intermediari,

l'amor per lee l'hoo miss in ciar.

Ma lee la pretendeva

tutt quell che mi gh’hoo nò.

L'è 'ndaa in malor

on grand amor'