La maschera de giudes |
||
Musicata dal Maestro V. Pinotti
|
||
La maschera de giudes pòcch cortes de lamerin de tòlla rinforzada, la tiri giò de dòss con tutt el pes de Padreterno in terra de giornada.
E sol coi mè penser in de l'ofizi col balanzin di leg in del cassett dedenter sarà sù coi artefizi, a vun a vun rimiri i mè difett.
Sentenz, carta bollada. pretor e San Vittor, l'è pròpi 'na bugada. Che gran de fà Signor!
Se mì trovassi on dì, on cancellier giovial che me scancella insèma la tòga el tribunal,
disfesci la stadera, e quand ven giò la nòtt, content... và là valera! Inscì come nagòtt,
fazzolettin de seda, on fior in de l'oggioeu e poeu se Dio voeur... "Voilà!"... Sont on vivoeur!
La maschera carògna, per incoeu, ben dura instacchettada inscì me sia, la tègni chì sul coeur ma dòpo poeu apèna se fà nòtt la tiri via.
E in d'on sitin nascòst de l'osteria, lontan del tribunal e i avocatt, me metti a fà l'amor con la Maria, senza pensagh a nient, content 'me on ratt.
|
![]() |