La "ghisa" in bicicletta
Musicata dal Maestro V. Pinotti
Oh mamma, cara mamma on Martininn,
me dis quand ciappi el tramm per andà a scòla:
Con tì bella popòla
in discòteca al scur mi voraria ballà
la rumba, el rocken roll, el cha-cha-cha...
Oej Martininn và pian
con mì gh'è nient de fà
son minga ona matosa
me pias la libertà.
Me disen sgalisetta,
ma quand la sarà ora
la "ghisa" in bicicletta
la foo... pòrca malora!
In discòteca al scur
bell fust d'on Martininn
on di la toa sbarbina
la te farà on basin,
e quand la sarà granda
de "ghisa" in scur vestida
al parco in bicicletta
nissun la incanterà.
A tutti i malmostos
che fann del rebelòtt
e vosen de rabbios:
lei sa chi sono io?
Ghe disi in sui duu pee,
m'en frega pròpi nient,
ghe foo la super multa
var minga el pentiment,
mi ciappi carta e pèna
ghe mongi el sò borsin
e dòpo in discòteca
mi voo col Martininn!