La fiorista de Piazza Fontana

 Musicata dal Maestro S. Parisini

La fiorista de Piazza Fontana,

on doninn tanto bell e grazios,

madonnina fà sù in d'on scialett

quand el temp a stà al frecc le condana.

Cont el sô la và in cerca d'ombria

al ripar del sò vecc ombrellon.

E a la gent che la passa de via,

la ghe vend i sò fior de stagion.

Lù bell scior, ma ch'el guarda i color

tanto fresch di mè ros

coltivaa in d'on giardin

cont i man delicaa d'ona fata.

I mè vioeul, par che parlen

e disen sincer a la gent

l'espression d'on penser

senza nanca bisògn de paròll.

Tucc i dì lee la cunta 'na stòria,

l'è 'na scusa per digh ai client

i proverbi di fior del giardin

tramandaa di sò vecc a memòria.

Cont i fior lee la vend la magia

a chì cred ai fortunn del destin

e ghe dà, per chì voeur, l'armonia

di segrett che nascond on basin.

Ma però, cont on soris,

la scond sòtta i oeucc de la gent,

la speranza che moeur.

E ghe resta in del coeur el dolor.