La festa in Borgh
Musicata dal Maestro V. Pinotti
In Borgh gh'è la festa!...
Sì, l'è pròpi festa granda:
Gent contenta per la strada,
coi balloni a la finestra
gh'è distes i sandalin.
Pòver e sciori cambien vesta.
Sù la piazza gh'è la mamma
che la cerca per la tosa
on marì cont i danee.
La balera el bon barbera,
sul navili in visibili,
tanta gent che canta e balla
fin quand ne pòden pù!
Pà rà pà rà,
la fà la tromba.
Pè rè pè rè,
fà la trombetta.
La procession pian pian
la passa per la strada.
Salati e bòni gh'è quell di gamber.
Mangen e beven in compagnia
El Borgh di formaggiatt
con la soa gent...
de Milan l'è tutt on monument!
Zinzetta forbesetta,
chì la stòria l’è finida.
Ma de scòrta ghe n'emm voeuna
per cuntala on altra vòlta.
Zinzetta forbesetta,
El Cornaggia e la Colomba
coi attor sù la ringhera
ve saluden!... Bònasera!
Zinzetta forbesetta,
disom grazie in compagnia
con la lengua che se parla
chi de nun... in Lombardia!!