La canzon del Giponatt
Musicata dal Maestro C. Merli
El fior de gelsomin
che lù gh'ha regalaa
a l'era on pègn d'amor
tutt profumaa.
E lee, senza guardall
senza nemen usmall
dedent del pòrtaruff
l'ha buttaa là.
E a lù, stoo pòr pioggiatt,
ghe passa per la ment
i stòri brutt e bei
del Giponatt!
Tira mòlla e messeda,
che tralla in moneda
sù l'indrizza e l'inversa...
la cambia nò l'è semper quella.
A l'è la canzon,
ne brutta ne bella,
che l'usellin sora a 'na pianta
el canta e poeu el ricanta!
Da l'arca del Noè
el mond l'e semper quell.
L'è on rebelòtt fa sù
d'on remisell.
E inscì, per aversion,
la gioventù in pension
e i vegg per fà pandan
a lavorà.
De tutt, per fà on ritratt...
bisògna tirà in ball
i stòri semper quei
del Giponatt!
E batt e poeu ribatt...
la canzon del Giponatt...
l'è tutta chi!