La bisetta
Musicata dal Maestro C. Merli
La falsità gentil
tutta cerosa,
l'è on paravent suttil
per podè scond
el nid d'ona bisetta
gremegnosa,
che mòrd in sù la pell
e in del profond.
Con la lenguetta longa
e maliziosa,
la butta del gran tòssegh
per sconfond,
tra i tanti bei maner,
la part gelosa,
che lee l'ha voeur quattagh
ai oeucc del mond.
La mòrd e la rimòrd
fin quand che on ghezz,
el ghe inibis de spong
a tradiment
cont i moin "charmant"
e coi carezz
de Giuda bosardon
tutt sorident.
Rabiosa la bisetta
col lenguin
la mòrd, putòst che nient...
el sò covin