L'usellin del lagh de Còmm

 Musicata dal Maestro G. Fasano

La mia nònna Caterina, poverina

cont el treno de la Nòrd, ch'el và pianòtt,

ona festa de mattina, la mia nònna poverina

m'ha portaa, m'ha portaa sul lagh de Còmm.

E sul treno, intant che 'ndava me cuntava

la stòria tanta bella de l'usellin.

Cip, cip, cip, cip, cip, cip, cip, cip, cip,

Sul ramm d'on pin gh'è l'usellin

Cip, cip, cip, cip, cip, ch'el voeur cantà,

ma però, ma però a l'è stonaa!

Cip, cip, cip, cip, cip, cip, cip, cip, cip,

Ti sara el becch te foo insegnà.

Cip, cip, cip, cip, cip, come se fà

a cantà, a cantà senza stonà.

Finalment, prima de sera, sù la fera,

l'usellin del lagh de Còmm, tutt impegnaa

el cantava d'infilera la soa alegra tiritera

ma però, ma però senza stonà.

E intanta ch'el volava el se insognava

tranquill ch'el navigava in sul batell.

Cip, cip, cip, cip, cip, cip, cip, cip, cip,

Oh se l'è bell in sul batell.

Cip, cip, cip, cip, cip, a fass ninà

sora i ond, sora i ond del lagh de Còmm.

Cip, cip, cip, cip, cip, I'e propi bell,

sentì cippà in libertà.

Cip, cip, cip, cip, cip, cip, cip, cip, cip.

Sentì cantà l'usellin del lagh de Còmm.

Cip, cip, cip, cip, cip, cip, cip, cip, cip,

Tra l'acqua el ciel oh se l'è bell.

Cip, cip, cip, cip, cip, sentì cantà

l'usellin, l'usellin del lagh de Còmm.

L'usellin, l'usellin del lagh de Còmm!