L'ultim bagatt de Milan

 

 Musicata dal Maestro C. Merli

 

L'ha faa ona vita con la sgagnosa

in d'ona via 'rent ai navili.

Fin de pinella el lavorava

a la giornada ma con fadiga.

A l'è l'ultim bagatt de Milan!

 

E tira e tira... tira la lèsna.

Giustegh i scarp ai pòver e sciori.

E picca e picca e poeu ripicca,

cambia la soeula quand a l'è ròtta.

E 'na palanca non le mett via.

Vers l'osteria varda 'me 'l tròtta,

la gola el bagna cont el barbera.

Là là là... se mett a cantà!

 

Orca sibretta! L'è 'na sciavatta!

Pòcch ghe n'impòrta, el giusta pur quella

L'età ghe pesa in sù la s'cena.

El voeur la sposa ma non la troeuva.

A l'è l'ultim bagatt de Milan!

 

'Me 'na poiana gh'è la miseria

ferma che spetta e ghe refila

el foeuj de via poeu che la vaga

in sù la forca e chi le manda...

A l'è l'ultim bagatt de Milan!