L'ultim barbon
Musicata dal Maestro U. Torreggiani
La tradizion la voeur
ch'el milanes barbon
ghe pias la libertà.
E lì sù 'na banchetta
che gh'era in sui bastion,
a l'ombra d'ona pianta,
o sòtt on pont quant pioeuv,
l'ha semper tiraa là
senza cercà ona vòlta
on ghell de carità.
L'è stada l'invenzion
d'on tòcch de filter bianch
in fond ai sigarett
miss lì per risparmià
tabacch bordegasciaa,
per semper s'è desfada
la razza di barbon,
che in temp ormai lontan
i mocc che gh'era in terra
cattaven sù in Milan.
La ditta del tabacch
a l'è falida inscì,
falida in sui duu pee.
E senza l'incombenza
de 'vegh on sò mestee,
li sol sù la banchetta,
el milanes barbon,
con pù nissun confòrt,
fenida la soa industria
de creppacoeur l'è mòrt.
E li sù 'na banchetta
per non cercà danee
l'è mòrt de creppacuoer,
perchè in de la soa vita
lù l'ha mai faa on meste.