L'estaa di bolettari
A l'era estaa!
Quanto frecc al Pòlo Nòrd!
Sòtt el sô de mezzanòtt,
li sperduu cont i ors bianch
tra 'l vent el giazz,
se sentiva on eschimes
ch’el cantava per scaldass
'sta canzon in milanes:
Quand fa cald se và in campagna,
se và al mar per la frescura.
Oh che bell sù la montagna
spasseggià tra la natura!
Ma on moment, oh cara gent...
senza i ghei se pò fa nient!
La nonetta, pòra veggia,
per sentì on sospir de l'onda
la pondava sù l'oreggia
'na conchilia fonda fonda.
L'è on sistema brevetaa
per passa a Milan l’estaa!
Se te par come se sia
de sentì sora la pianta,
la sigala che la canta,
cont on poo de fantasia,
senza moeuves de Milan,
dent d'on bosch te see lontan!
Donca, quei de la boletta
resterann de bon mincioni
lì spettà che 'na saietta
la sbusass i nivoloni
e piovess de maneman
l'acqua fresca sù Milan!