L'è on scior Brambilla |
||
Sul grattacielo in alt gh'è on belvedere. De sòtt se ved distes el gran pòtere che l'è d'on scior Brambilla, col titol de comenda padron d'on azienda. Dal nient l'ha faa tuscòss!
Ma chì, l'è bon de fà la curva dritta, de scarligà sul ciel cont ona slitta? Ma sì, l'è on scior Brambilla, on fior d'on impresari nassuu per fà i afari. Danee a cappelad!
Ma chì l'è semper vonc in officina, e foeura a l’è vestii 'me 'na cartina? L'è on alter scior Brambilla che sòtt ai ragg de luna coi dònn el gh'ha fortuna. Se dis che l'è on vivoeur!
Ma chi l’ha conservaa l'usanza antiga, de ganassà per nient e taccà briga? Sicur duu scior Brambilla. El primm on miliardari, quell'alter proletari. Ma in fond duu s'cett lombard.
Seben coi diferenz di posizion sociai, decis, i scior Brambilla, rimènen la polenta con perizia dedent del gran parioeu di tradizion de tanta brava gent che nass, lavora e viv de sòtt del ciel celest e gris che quatta el verd de la Padania.
|
|
![]() |