L'è nò 'na bagatella

 Musicata dal Maestro V. Pinotti

Quand seri giò in del tacch a fa el soldaa,

n'hoo faa de còtt e crud per liberà

el pòpol sottomess dal Franceschiell.

E con la spada in man el Colonell

denanz de tucc l'è mòrt e la soa sposa

l’è mòrta 'an lee de fever perniciosa.

E mì per caso, dedent de la soa cà

son capitaa.

Hoo trovaa nò palanch, ma on bell tosin

faa sù in di fass,

arent a on palpiroeu coi document

hoo trovaa là.

Insèma al testament ch'el nònno conte

per lee l'ha faa.

Oej, se tratta d'on cavagn de paja

pien de milion!

L'è nò 'na bagatella,

sul testament l'è scritt bell ciar.

Con la tosetta in brasc son tornaa in sù

coi sacòcc pien

de tant danee che gh'hoo spazzaa

dai cass del reggiment!