L'è l'avocatt Stemègna
Musicata dal Maestro V. Pinotti
Panscetta rotondetta el gh'ha on bell nas.
La Dirce portinara a lù ghe pias.
E l'è gelos de lee com' on demòni
sincerament el pensa al matrimòni.
Ghe disen l'avocatt di caus pers,
ma lù ghe fà nagòtt el fà 'l sò vers.
El scior Scamòrzi giudes, el sò rival,
el dis che l'è on broo-broo del tribunal.
Ma se divòlt on locch de la liggera
el beven sù de bell, el và in galera,
lù 'l gira de sòtt sora tutt el mond
e i giudes cont i gabol el confond.
L'è l'avocatt Stemègna
di gratta el protettor.
Con la coscenza dègna,
de l'or l'è 'l confessor.
L'è pront de fà la guerra
perchè el Tecoppa anmò
l'insist ch'el sacch in terra
l'è pròpi minga el sò.
E l'è bell e l'è bon
e l'è san com' el corall.
L'è l'avocatt Stemègna
che coi dònn
lù ghe pias a fà el gall!