L'è forsi on sògn

 

 Musicata dal Maestro C. Merli

 

L'è forsi on sògn,

on sògn d'amor,

che in del profond

el cor el cor.

E intanta la fantasia

con lee la me pòrta via.

 

Oh luna ciara

gemma turchesa

tra stell e stella

in ciel sospesa.

 

Ben volentera

longh i navili

scolti stasera

i tò consili.

 

Dimm 'na paròla

che me consola

e sarà questa

che in coeur me resta.

 

La nostalgia

la me tormenta

con la tristezza

la me carezza.

 

L'è fòrsi on sògn

pien de magon,

forsi on bisògn

de protezion.

Oh trista malinconia

de mì stà lontan và via.