L'amor l'è nò finii
Musicata dal Maestro O. Dottini
Semm 'dree per separass, però mì mai,
l'amor de nun diroo ch'el fuss ormai
su l'òrlo de la fin, ma fòrsi on dì
risognaroo l'amor anmò con tì.
El vent in ciel el pòrta,
com' on gioeugh,
l'ardor d'ona carezza
pien de foeugh.
Ma quand te saree sola
tant amar
te sentiree in del coeur
come non mai.
E fòrt on desideri
prepotent
d'amor el te tormenta
infogorent.
E quand ven giò la pioeuva
te sentiret
la giòia de l'amor
dent de tì.
Seromm content e allora el nòst amor
el me scaldava el coeur con tanto ardor.
Sincer te disi adess: stà chì con mì,
ritorna sui tò pass e dimm de sì!