L'amor a la Bovisa
Musicata dal Maestro V. Pinotti
Sul pont de la Ghisolfa, intant che andavi,
pensavi a la Bovisa e in del profond
l'amor e 'na capana che sognavi
in del mè coeur romantegh vagabond.
Cercavi on cantonscell doe a la sera
la luna se speggiava in d'on laghett,
per mett in bell risalt in giust manera
l'amor cont i paròll di canzonett.
Bovisa e Bovisasca!
Oh terra de gazòmetri e carbon,
de fumm di caminon de fonderia,
d'amor senza l'impast de poesia.
Bovisa e Bovisasca!
Bochee de clòròformio e de catramm
de fior de verderamm in candegina,
per tì,
romantegh l'è l'odor de candegina.
Cognussi ona popòla inamorada,
e mì, de la Bovisa on pòver fioeu,
ghe cantaroo mai pù la serenada
quand passi lì de sòtt del sò pogioeu.
Ma senza cinquantala e de sorpresa,
ghe disi dò paròll senza cantà,
e lee la disarà de vess ofesa...
ma dòpo in di mè brasc, la borla là!
Bovisa e Bovisasca...
l'amor per tì l'è inscì!