L'amor
Musicata dal Maestro V. Pinotti
Fioeu d'ona stella
e principin del ciel el se ciamava.
In on giardin la soa anima gemella,
bagnada de rosada,
lù 'l cercava al ciar del sô.
Col sò profumm, ona ròsa tanta fresca
in sen la scondeva, splendent come on bisgiô.
E in ciel volava ona farfalla.
L'anima bella deliziosa
in del ciar del primm mattin,
lee la gurdava vergognosa
el grand amor del sò destin.
Lù lee carezza con frenesia,
come d'incant...
d'amor el coeur l'è ferii.
Là in d'ona casetta sù in collina,
l'amor el fa guarì in sordina
la profonda ferida.
Felice e content viven d'amor.
Con giòia la luna
dent in la cuna, la nina el frutt d'amor.
Spontava là in collina i fior sul praa,
e on ragg de sô d'amor l'ha sospiraa.
E dent in la casetta deliziosa
duu coeur se cerchen
con passion e amor.