I comandament di locch de la liggera
Musicata dal Maestro C. Merli
Tirà a campà tranquill
com' on trèlira.
Portagh rispett
ai forz de polizia.
Se gh'è de fà i afari,
fai de sira.
E sora al dì stà quiett
a l'osteria.
Se la madamm
la te ciapass de mira,
te pòdet fà de tutt,
ma nò la spia.
Ai sant di lader,
pizzegh la candira.
Bisògna laorà
con cortesia,
lontan de cà
e senza avègh in man
cortell, tarell
o rebattin de nòrma,
se nò el perdon,
l'è in gesa a Meregnan.
Insèma coi liggera
mangia e dòrma.
E a tucc i cost
maneggia la manera,
de nò finì i tò dì
saraa in galera.