Hawaii... Hawaii
Musicata dal Maestro F. Patterlini
Hawaii... Hawaii... esòtica vision
d'on fior meraviglios
nassuu foeura stagion.
E quand el ciar se smòrza dent del mar
riviv in de la nòtt
la mia gioventù.
Miracol de belezza
d'on gioeugh senza la fin;
el segn d'ona carezza
che lassa el primm amor.
Da l'orizont del mar on armonia
de vos e de ghitar
a l'ombra d'ona serra.
Cont on sospir,sospir de simpatia
strimpelli on madrigal,
on madrigal d'amor.
..................................................
On isola d'incant,
regina de l'amor.
Soris de dònn che balen con dolcezza
sul fond d'on gran scenari
de sô, de ciel, de mar!
El bon savor del pòmm
gustaa con tant ardor
de l'Eva e de l'Adamo
in quell giardin de sògn!
Sospir de vent, che te scorliss i sens,
d'eterna primavera
sul fil de l'ideal.
El temp coi sò misur el và in franchigia
dedree di pòrt di sògn
ligaa al me primm amor!