Nelle ricorenze, negli anniversari, faceva
( non credo che lo sia ancora) moda invitare il poeta che in rima baciata
raccontava, inneggiava o , semplicemente, ricordava un periodo di vita comune.
E allora ecco pronto Duiglje con i fogli pieni di spunti spiritosi o toccanti
che riempiva un momento che in molti aspettavano.
In queste pagine trovate divisi in due sottocategorie ( le feste di classe
e altre ricorrenze) i lavori che Duiglje ha offerto in queste cerimonie.
I VOSTRE PRIME `TRENTACINQUE ANNE
Ma ce penzéte,oh!TRENTACINQUANNE!
Già mézze grigge i fute nc'so'più,
sett'o'attillà te vanne stritte i panne
te crite snèlle cumme in giovéntú
Ma nn'é lle vére é tutta fantasije!
Sotte a quést'ale vu' pijjéte i vule
i sottobbracce che la nostalggìje
redevendéte tutte più vajjule.
Sole ch''sti vajjule nz'éte vu'!
Vu' séte i spécchje de jj fijje vostre.
Fanne le stésse cose su per giù,
'ntramèntre séguete a ggirà la giostre.
La ggiostre d' lla vite che nze fèrme
i béne o male séguete a ggirà.
Spériame ce penzésse i' Patrétèrne,
assiéne a nnu, p'nn'la fa' fermà.
24 giugne I989
I NOSTRE PRIME QUARANT'ANNE
Chi ce penzéve,oh! A quarant'anne...
Gia tutte grigge, mézze spelacchjate...
I se te sfurze già t've' jaffanne...
coppele. cappéjje, tutte nfacuttate....
Ma n'é lle vére é tutta fantasije!
Sotte a quest'ale nu' pijjéme i' vule
i sottobbracce che la nostalgije
redeventéme tutte piú vajjule:
Quande javame a cacce che le frézze,
pe' nnide, p' meriquele 'n campagne,
cì'arragnavame sénza la stracchézze
cumme alle crape 'ncoppe le muntagne
Però chiste vajjule n'nzéme nu',
nu'séme i spécchje d''sti fijje nostre,
che fanne le stesse cose, su per giù,
'ntramèntre séguete a ggirà la giostre!
6 gennare del I988
ALLA FESTE DI' CINQUANTENNE
Cumma so' cuntente, se sapassèste!
So' accettate proprje che piacére
d'èsse ammitate ogge a quésta fèste,
ch'i' core v' l' dice, so' sincère.
Vu'séte giunotte, più quatrane
i stéte tuttequante mézze brille.
J' so''na botte, inzomme,più anziane
é lòggeche ca séte più arzille.
I quéste fa' piacere a tutte quante,
pérò so' cinquant'anne, n'nzo'vinte...
Arzille,inzomme ogni vota tante,
'po l'atre vote n'e che po' fa' finte.
Oddi! N' nn'é che séte d' recotte!
La volontà ce sta, ma i'curagge?!
Classe d' férre, ma 'n poche 'ncotte
i quacche zanne manghe a j' ngranagge.
A parte i schérze é l'età mature,
é quéll'età che sèmpre s' reflètte
i che s' guarde sèmpre a j' future
di' fijje ch'i vulésse più perfette.
Ma ogge è fèste, è jurne d' j'sbarje
a quéste cose nc' sa da' penzà,
se pure v' v'è contre i' calentarje
e sèmpre méjje a 'nni'calculà.
I vu' care signore riservate,
la séte fatte grosse quésta vote,
v' séte sèmpre j'anne annascunnate
mèntr'ogge v'affughéte a 'na refote
Ormaje l'hanne appurate porche i cane
ca vu' tenéte j'anne che tenéte:
'na man'apèrte bèlla sana sane
moltiplicate diéce p'ogni déte.
Ma ce penzéte, oh! So'cinquant'anne!
Quant'acque c'é passate sotte i ponte!
Chist'anne s'tte firme s'n'vanne
i se camine n' nt'fanne 'i sconte.
giugne, I988
50 ANNI- CLASSE 1932
Ci troviamo sopra il monte
discendendo verso il ponte,
ma quant'acqua c'è passata
e lontano se n'è andata.
Ha lavato i sacrifici,
i ricori degli amici,
della cara fanciullezza,
della bella giovinezza.
CINQUANT'ANNI? Non è poco'.
Ma in noi c'è ancora il fuoco
che ci brucia nelle vene
e che sempre ci mantiene
nel calore del futuro
il più a lungo duraturo.
S.BENEDETTO 22 AGOSTO 1982
50 ANNI - CLASSE 1933
COME RICORDO DEL NOSTRO INCONTRO
Pare a vvedé ch'é state l'atrajere
quande javame ch' i'silabbarje,
ippò a ffa'i compete la sere:
lasteche, numérétte, a fa'i'dijarje.
Imméce cinquant'anne so' passate!
Nzo' mica poche!? N'e 'n fulminante!
Péró c' retruvéme... sistémate.
I rengrazjéme Ddije tuttequante.
Anze 'i preghéme p'i più care amice
che p' j' munne stanne spérze ancore
i ch'hanne fatte tanti sacrifice!
Nu' v' tenéme sèmpre dentre i' core.
I nnu', assiéme a vvu' ci auguréme,
a quésta fèste di CINQUANTENARJE,
de rabbraccirce tutte quante 'nziéme
quante facéme almine i' CENTENARJE.
S.Benedetto 18 dicembre 1983
A 'N CINQUANTENARJE
Forse 'n poche sténche a esaggera!
Ogge é 'na fèste cumma sia sie,
a chisti guaje nc' s'ada' penza',
s'adà penzà soltante all'allegrijè.
I l'allegrije é quésta bèlla fèste
c'ognune magne, béve, ride i cante,
dope d' quéste quélle che c' rèste
è l'amecizje ch'é la più importante.
E' béjje retruvarce tutte 'nziéme,
cumme i vajjule deventate grosse.
A CINQUNT'anne ciche n'nce séme
ma manghe stéme a jj' déntre la fosse!
Che 'st'allegrije sane sénza borje
se métte a poste pure la cuscénze,
mettènne a pparte quacche vecchia storje
che cèrte vote, pure p' scemenze,
Se so' crejate certi malumore
p' anne i anne forse litigate,
magare pure forse ch'i rancore!
Ogge c'éma scurda' de j' passate.
C'éma scurdà d'quélle cose brutte,
éma penzà soltante a quélle bbone
i tutte 'nziéme l'ema métte a frutte
i quéste d'ogge é proprie l'occasione.
J' j'augure mì,a tuttequante,
a quésta fèste d'i' CINQUANTENARJE,
é quijje d'campa'ddu'vote tante
p' rencuntrarce 'nziéme a j' CENTENARJE.
AI CINQUANTENNI DEL '32
Avojje a chjacchjarà d' cose vècchje,
avojje a di' ca pare nn'é le vére,
però s' v' guardete a quacche spécchje,
oddì! Inzomme n' vv' fa piacére.
V'hanne accunciate proprje p' ll' fèste
'sti cinquant'anne che so' già passate,
tutt'e passate béjje léste i préste
i vu' v' retruvéte già 'nvecchjate.
Proprje 'nvecchjate manghe s' pò dice,
putéte dice d' 'na cèrte età,
a èsse vécchje ancore nc' s'addice,
pérò é passate più de la mmità.
Ma c' penzéte, oh! So'cinquant'anne!
Quant'acque c'e passate sotte i ponte!
Passene j'anne, ma però n' sanne
ch'a vu' v' pùrtene a quell'atra sponte.
Ippure pare a vvedé che state jére
quande javate che i sillabbarje,
i ppo a fa' i compete la sere,
l'aste,i numerétte,a fa' i dijarje.
Secondo mé imméce é necessarje
a recurdà le cose belle i brutte
atre n' stete a fa' che 'n dijarje,
quinde conviene a recurdarle tutte.
Non proprje tutte,inzomme quacche cose
p' dimostrà a j'atre ca la vite
n'è state quasce maje colorrose,
ma cèrte vote,quande ma' t' crite,
E'pure bèlle,anze e proprje bèlle!
Da giunettijje appresse a le vajjole,
ammézze a tutte quélle marachelle
vedive i prate pijne de vijole
I j'atri fiure tutte colorate,
i' céle sénza nuvele la sere,
la notte spérze p' ll' serenate,
paréve ch'éve sèmpre primavere.
I s'facivene i più béjje sonne
a cchje aperte, mèntre stive svijje;
sole s' svulazzéve quacche vonne
gia 'n cocce t' saldéve quacche rijje.
1982
Duiglje
BUON CINQUANTENARJE - CLASSE 27
Forze 'n poche sténghe a esaggérà!
Ogge é 'na fèste cumma sija sija,
sèmpre aj guaje nc's'ada penzà,
s'adà penza' soltante all'allegrìje,
I l'allegrije é questa bella fèste
ch'ognune magne, béve, ride i cante.
Chi aracconte le sue grandi gèste
da brave furbe i pure da sbrafante,
chi aracconte ca i' fijje é brave,
pijne d'orgoglie i d' soddîsfazione,
chi ch'ha lavurate cumme i schjave
i che s' trove in bone condizione.
I l'allégrije é retruvarse 'nzieme
cumme i vajjole devendate grosse.
A cinquant'anne ciche n'nc'séte,
i manghe stéte a j' dentre la fosse!
Che 'stallégrija sane senza borje,
se métte apposte pure la cuscénze,
mettènne a parte quacche vecchja storje,
che cèrte vote pure p' scemènze
Se so' crejate cèrti malumore
p'anne i anne forse litigate,
magare pure forse ch'i' rancore.
Ogge v'éta scurdà d'j'passate.
Véda scurdà d' quélle cose brutte,
eda penzà soltante a quélle bone
i tutte 'nziéme l'eda métte a frutte
i quéste d'ogge é proprje l'occasione.
I j'augure mi'a tuttequante
é quésta fèste di' CINQUANTENARJE,
é quijje d'campa tante i piú tante
p' rencuntrarce 'nziéme a i' CENTENARJE.
1977
FUSSE 'NA BELLA REMPATRIJATE
Già t'retruve grosse i le cervèlle
cumìnzene a penzà d''n'atre mode.
Durene poche queste cose bèlle,
durene quande pò durà 'na mode.
'sta mode é già scadute 'mmézze a
nu'
cumme se nc' servésse più la fojje...
Cumme 'na cose che n'esiste più...
Le fémmene va bhè... Però la mojje...
Vuol dire quacche cose più n' va...
Le bene c'é remaste, sci,..`lo stesse,
Però,inzomme,addì la verità,
l'alluntanete p' n' passà da fesse.
Se trúvene le scuse tutte bone:
'Na vote é state j'ulteme bicchjére,
'na vote s'e truvate l'occasione...
Jesse le sa però ca nn'é le vére.
Lasséme perde mo, queste sceménze!
Saldene più allunghe 'ncocce i rijje.
so' più esiggente, vanne a l'atre lenze
addò la jèrva fresche te'più svijje.
E'che penzéte a tutte l'atre cose:
la case, la famijje,la campagne,
del reste so'le cose doverose.
Se nze lavore n' nz' manghe magne.
Ve séte fatte grosse esse perché,
écche perché v' séte più afflusciate.
Pare ca nn'é le vére, pare a vvedé!
Però la cocce é tutte già sbiancate.
Ve séte fatte grosse grosse 'ntutte:
chi p''na vije, chi p''n'atra vije,
ma une delle vije ch'é più brutte
e quelle che t'métte nostalgie,
é quélle che t'porte assa'luntane,
troppe luntane da i' paese nostre,
addo' n' vive tra i paesane,
m'addo'la terre nn'é la terra vostre.
La vije dell'esiglie, forestiere,
addó n'capisce manghe d'parlà,
magare forse sotte le miniere
p' tirà 'nnanze i p' puté campà.
Je chiste li ténghe proprje àmmézze
i'core
j'ulesse fa sta' ècche, ammezze a nu',
mézze 'sta feste addò sinte j'addore
d'questa nostra vècchja gioventù.
'Sta nota triste n'l'adeva di',
però n'nzo' potute farne a mene.
Po' darse punne pure revenì
p' fa' 'na feste tuttequante 'nziéme.
I NOSTRE PRIME CINQUANT'ANNE - 1944
Caschivene le bombe a tutte i late
I tante, tanta ggènte se murétte
Nu' nce stavame n' nn'avame nate,
Quante la brutta guèrre malédétte
Uléve i siguitétte a ffà' la stragge,
Allore nu' nascèmme,ammézze i foche.
Nénta paure, ma pijne de curagge!
Tante che sénza furje, appoche appoche
E' arrivate i jurne de 'sta fèste.
Nuova generazione 'ncanutite,
A raccontar le proprie grandi gesta!
Ricordi che ritemprano la vita
I che da fa renchechizzà la creste.
I ogge ce séme proprje devertite.
Tuttequante nu'
LA GIOVENTU' D'ALLORE
La gioventù, la gioventù d'allore!
Però la gioventù e sèmpre uguale.
Credete ch'é diverse mò j'amore?
Secondo mé invece é tale i quale.
E' quéste 'na parentese che s'apre
a tutte quante a quella cèrte età,
ma sùbbete se chjude i nz' riapre
pure se te' la bona volontà.
Già t' retruve grosse i le cervèlle
cuminzene a penzà d' n'atre mode.
Dùrene poche queste cose bèlle,
durene quante po' durà 'na mode.
Già le vedéte ogge,ammézze a nu',
cumme se n' servésse più la fojje,
cumme 'na cose che n'esiste più...
le fémmene va bbe'... però la mojje!?
Vuol dire quacche cose più non và,
le bene c'é remaste, scì, lo stésse,
però, inzomme addi' la verità
l'alluntanéme p' n' passà da fésse.
Se trùvene le scuse sèmpre bone:
mò ca t' ne passe ch'nn' bicchjére,
mò ca si' truvate 'n'atre occasione...
Jésse però l' sa ca nn'é le vére.
Lasséme pèrde, quéste so' scemènze!...
Sàldene più a lunghe 'n cocce i rijje,
so' più esiggènte, vanne a l'atre lènze
addò la jèrva fresche 'i te' più svijje.
Sténghe a scherzà, n'avéta ave' rimpiante,
vu' séte forte ancore i ancore arzille,
Ca pure a vu' ogni vota tante...
Però eta cerca' d' n'esse brille.
E'che penzéte a tutte l'atre cose:
la case,la famijje,la campagne,
del réste so' le cose doverose.
S' nz' lavore n' nz' manghe magne.
V' séte fatte grosse, ecche perché,
ecche perché v' séte più appusate.
Pare ca nn'é le vére,pare a vede'!
Però la cocce già v' s'e sbiancate.
Secondo me la cose più che vale
e sta' che la famijje sèmpre unite
i che ne' manghe maje l'essenziale
i quacche vote a fa' la bèlla vite.
1982
L'ANZIANITA'- 60° CLASSE '27
Ma ce penzéte oh! So' sessant'anne!
Quant'acque sotte i ponte c'é passate,
passènne s'é 'ncullate che 'inganne
tutte 'ste témpe che ci'abbandunate.
Ippure pare a vvedé ch'é state jére
quande alla scole cuinenzèmme a ji'
i ce s' jéve d' mmatine i sére
ad esclusione d' j' gioveddì;
Quande javame a cacce che le frézze,
p' nnide, p' meriquele 'n campagne,
sénza chenosce maje la stanchézze
s'arragnavame 'n coppe le muntagne
Cumme le crape quande vanne a pasce,
'n coppe le piante a colle i frutte cerve,
anche perché nc' stéve tanta rasce.
Scàveze, captunnènne fra la jèrve.
Pérò la vite é state pure bbèlle:
Da giunettijje apprésse alle vajjole,
ammézze a tutte quélle marachèlle,
vedive i prate pijne d' vijole
i j'atri fiure tutte colorate,
i' céle sénza nùvele la sére,
la notte, spérze p'l' serenate.
Paréve ch'éve sèmpre primavère.
Mo seme arrivate a sessant'anne,
già cèrt'amice n' nc' stanne più.
Ammézze a nnu' parécchje cumma' stanne?
Ma'cèrte cose a dirle fra d' nu',
Ancore ... inzomme le facéme bbone
i n''ncuntreme maje nisciume intoppe,
pure se so' allunghe l'occasione.
Ma a sessant'anne!?... Anze!E' pure troppe.
I987
PARE A VEDE CHE STATE JERE
D'allore a mò d' témpe n'é passaste!?..
Quant'acque c'é passate sotte i ponte!
a vote chjare, a vote 'ntruvelate!...
E' inutele che j' v' l' racconte.
Ve pozze recurda' i béjje sonne
fatte a occhje apérte, anze svijje,
sole se svulazzéve quacche vonne
già 'n cocce te saldéve quacche rijje.
I le vajjole tutte rezzelate,
ch'i fianche c' facivene le mosse,
sapènne arréte ch'ivene guardate,
magare s' rattivene la cosse.
La gioventù, la gioventù d'allore!...
Però la gioventù é sèmpre uguale.
Credete ch'è diverse mo j'amore?
Secondo mé imméce é tale i quale.
E' quéste 'na parèntese che s'apre
a tuttequante a quélla cèrte età,
ma sùbbete se chiude i nz' rejapre
pure se te' la bbona volontà.
Già t' retruve grosse i le cervèlle
cuminzene a penza' d' 'n'atre mode.
Durene poche quéste cose bèlle,
durene quante pò durà 'na mode.
E' che penzéte a tutte l'atre cose:
la case, la famijje, la campagne
che so' le cose proprje più spinose.
S'une n'mmète n' pò fa' le sagne!
V' séte fatte grosse, ésse perché,
ecche perché v' séte più appusate.
Pare ca nn'é le vére, pare a vvedé!
Ma 'n cocce a nnu' ci'ha quasce nevischiate.
Secondo mé la cose più che vale
é sta' che la famijje sèmpre unite
i che nc' manche maje l'éssénziale.
Tiréme 'nnanze i' témpe nn'é fenite.
QUEST'E' LA VITE - 50 classe del '36
Qest'é la vite cu vve pozze dice !
P' quacchedune è state più ingrate,
parò ncoppe a 'ste munne chi é felice?!
Se une s'accunténte é fortunate.
Sta cosa triste n' l'adéva di',
però n' nzo putute farne a méne,
anze ste cose nci'hanna scuraggi
penzènne ca ognune quacche péne
dentre la case ce la té' sicure.
Sole alla morte n' nc' sta repare !
Quinde n' nc'ema métte maje paure,
nisciune maje pò fa' cumma c' pare.
Forse 'n poche sténghe a esaggérà.
Ogge é 'na fèste cumma sija sije!
A chisti guaje nc's'adà penzà' ,
s'adà penzà soltante all'allegrìje;
I l'llegrìje é quéste, quèsta
fèste !
C'ognune magne, béve, ride i cante,
chi aracconte i parla che i ggéste
dicènne pure cose da sbrafande,
Chi arracconte ca i fijje é brave,
pijne d'orgoglie i de soddisfazione,
chi c'a lavurate cumme i schjave,
ma mo se trove in bone condizione.
I l'allegrìje é retruvarse 'nzieme
cumme i vajjole devendate grosse.
A cinquant'anne! Ciche n' nc' séme
i manghe stéme a jj' dentre la fosse.
Che 'st'allegrija sane, sénza borje,
se mette apposte pure la cuscénze,
mittènne a pparte quacche vècchja storje,
forze succésse pure p' sceménze.
Quinde ci'auguréme, tuttequante,
de fa' n'atre cinquanta primavere
i rencuntrarce spisse, ogni ttante
i farce tutte 'nzieme 'n bicchjére,
9.2.1986.
ALLA FESTA DEI SESSANTENNI
Cumma che mò, che 'sti divertiménte
addò la bèlla gente s' recrije
i cante, balle tutta sorridente
penzènne solamente all'allégrije.
I l'allégrije é quéste, quésta
fèste
ch'ognune magne, béve, ride i cante.
Chi aracconte le sue grandi gèste
da brave, furbe i pure da sbrafante,
Chi aracconte ca i' fijje e brave
pijne d'orgoglie i d'soddisfazione,
chi ch'ha lavorate più di' schjave,
ma mò s' trove in bone condizione.
L'allégrije e retruvarse 'nziéme
cumme i vajjule deventate grosse,
a sessant'anne é béjje 'ste sistème
a deventà vajjule i fa' le mosse.
Che 'st'allégrìja sane, sénza borje,
se métte apposte pure la cuscénze
mettènne a parte quacche vècchja storje,
che cèrte vote p' quacche sceménze
V'éta scurdà d' quéste cose brutte,
éta penzà soltante a quélle bbone
i tutte 'nziéme l'éta métte a frutte
i quéste d'ogge e proprje l'occasione.
J' j'augure mi' a tuttequante,
a Voi, cari ragazzi sessantenni,
e quijje de campà ancore tante
cumme s'assèste ancore minorenne.
A J' CMPLEANNE AI CIRQUELE NOSTRE
Già è passate 'n 'anne pe' j' anziane
da guarda se so' fatte l'elezzione
p'èlègge chi dirigge 'sti crestiane,
in santa pace,che soddisfazione,
senza cummèddje, sènza liticà,
spontaníamènte,quasce pe scherzà.
Adéma rengrazià chi mo s'é mmórte
che se mitétte 'n còcce, all'ambruvvise,
i l'èma dice é state proprje fòrte,
che póche tèmpe i che la vócche a rise,
'n ponerigge fine alla murlite
firmirne quasce cente 'ncanutite.
Ecche perché j'adèma rengrazià.
Fu bbrave Minicucce Cuccìunitte,
de jsse nu' nce n'èma maje scurdà,
fu dégne fijje da Sambeneditte.
Cuscì é nnate, sénza 'mbrojje u trésche.
La garanzija nostre è Don Francesche
Ch'à misse tutta a disposizione,
pe nce lassà sbandate, sparpajjate,
che 'na pèrfètte organizzazione.
Del réste è prete mica é Pilate,
nze sta a llavà le mane solamènte,
ma ce s'ha misse dentre interamènte.
Pe cunsijjà,pe ffa' le còse bbòne,
pe evità, oddi! Cérti contraste
che punne nasce che le discussione
i pò crejà, inzomme, qquacche guaste .
Se pura jsse t' quacche defètte,
sapéme ch'a 'ste munne nz'é perfètte.
I séme state pure furtunate
a elègge 'ste Cunsijje cuscì attive,
pijne de volontà sèmpre impegnate
pe réalizzà le cóse positive.
'Na bèlla jatta grosse da pelà!
Ma fanne tutte con abbilità:
Spèce'ste vajjulétte bella anziane,
assieme ai Presidente i a jj Vice,
lavùrene cumma fùssene quatrane
allegramènte, senza sacrifice,
cumme se stìssene sóle a pazzijà
immèce stanne 'nzieme a organizzà
Serata bbélle da ricrèjazione:
i paglie, pesche, tumbelate cène,
cassètte, fisarmoneche, canzone,
inzòmme tutte quélle che conviene
fa' la serate piène d'allégrije,
ride scherzà in dolce compagnije.
'Na bbèlla céne fatta a Capedanne:
paste, zambone, lenticchje i atre cose
A' augurarce tutte 'n bon' anne,
senza desgrazje i che di méne artrose.
Mò stanne a pijjà' n grosse impègne
de fa'le gite i organizzà convégne.
Ha! De 'na còse me re só 'scurdate
de quélla bbèlla pizze a i' cartone,
bóne, croccante, proprie prelibbate,
però éva servì' 'pe culazione.
La notte i' cauciù nze diggerisce,
écche perché j'anziane pò patisce.
Mó, schérze apparte, quèste fu lle
vére.
Però ce stéme proprje a rrecrejà
i spéce la deméneche, de sére,
pe tré quattr'ore sèmpre a zumpista:
i valzere, le polche, le marzucche
nce se fa case, abbaste che te tucche!
La raspe, i tanghe, i ciacciaccià
i atri bballe più modèrne ancore;
balle de gruppe che 'na sèrietà,
se mùvene nze tucchene tra lore,
batte de mane sotte a lle tinòcchje,
ma nce la fanne pe i troppe scrocchje.
L'òsse, se sà, n'nzo'da Ménéjte,
da Tarantèlle o da Alligalle,
sò fraggele, sò mmézze 'ntrubbechite.
Ne bbéjje bballe, ma pe lle farfalle!
Nu' che ne stème, inzomme, tante bbone
éma ballà che la rassegnazione.
Imméce nn'è lle vére, siame onèste,
adéma réaggì n' nzeme abbatte,
éma partécipà a quéste fèste,
n' nz'hanna perde màje 'sti contatte,
c'éma 'ncuntrà, cu é 'n pandémònje?
Forse ce scappe quacche matrinònje!
Buon Compleanne a quiste nostre Cìrquele,
ci' auguréme de fa'sèmpre méjje:
a chi fa a ccarte, a scope, a bbrìsquele,
a chi fa a bbòcce, a chi ce critichéjje
ci' auguréme, sénza condizione,
soltante i ssole tante cóse bbone .
26.4.I998
AGLI EMIGRANTI
Se séme fatte grosse Grosse 'n tutte:
chi p' 'na vije, chi p' 'n'atra vije.
Però p' nu' la vije,la più brutte
é quélle che t' métte nostalgie.
E' quelle che t'porte assa' luntane,
troppe luntane da i' paése nostre,
addó n' vive tra i paesane,
m'addò la tèrre n'é la tèrra vostre.
La vîje dell'esìglie, forestiére,
addó n' capisce manghe de parlà,
magare forze sotte le miniere
p' tirà 'nnanze i p' puté campà.
J' chisti i ténghe proprje ammézze i' core
j'ulésse fa' sta' ècche, ammézze a nu',
mézze 'sta fèste addò sinte j'addore
d' quésta nostra vèechja gioventù.
J' so' sicure, nisciune se ne scorde
d' chiste amice nostre a 'ste mumente,
mannémece almine 'n ricorde
p' farrje sta' 'n poche più cunténte.
Quést'é la vite, c' mannéme a dice,
forse p' vu' é state più ingrate,
péró 'ncoppe a 'ste munne chi é felice!?
V'auguréme d'èsse fortunate.
Sapéme ca vu' séte bravi fijje,
ve sete fatte onore, i queste e béjje,
se pure sraticate a 'sta famijje
v' séte comportate sempre méjje.
V' séte fatte già 'na bona tèmpre
a nu' ce fa piacere i v' penzéme,
pérò la spranze c' remane sèmpre
d' rabbracciarce tuttequante 'nziéme.
'Sta nota triste n' l'adéva di',
péró n' nzo' putute farne a méne,
anze 'ste cose nci'hanna scuraggi,
penzéme ca ognune quacche pene
Dentre la case ce la te' sicure.
Sole alla morte n' ne' stà repare!
Quinde n' v'éta métte ma' paure.
Maje nisciune pò fa' cumma c' pare.
1982
A NEVRE P'I' PRIME SESSANT'ANNE
Da vajjulitte sporche d' farine
élloche 'nnanze a caste,déntre i' furne,
mmézze i péte la sére i la mmatine
cumme se attuechésse sèmpre i' turne,
ammézze i péte d' mamme i d' papà.
Avojje a dirte scànzete 'n poche?
Ma tu attacchive sèmpre a zumpistà
i pe despétte rernanive élloche.
Ma dope si' cresciute a tutta birre,
perché abbituate a fa' recresce
tutte 'impaste ch' i' lévete birre
i cente vote i facive scresce.
Però ormaje ive quasce grosse,
n' nn'éve i' tempe più d' sta' a cummatte.
Oddi' n' nn'ive proprje 'n colosse,
pérò eve arrivate i' témpe esatte
d' j' a studià p' deventa' importante.
Degne de fa' 'n'azziènte veramente,
con sériétà sénza fa' i' sbrafante,
ma cumme a chi lavore seriamènte.
Mamme i papà cumma du' fermìche
la notte i jurne sèmpre vurrejènne
che seriétà, senza fa' i sbrafante,
ma cumme a chi lavore sériamènte.
Attintene la croste i la mejjche
ad abbada' a i' foche rattizzènne,
tenivene ancore i fijje troppe ciche
ìvene lavurà, no azzunènne.
Che chiste esémpje a ti t'hanne avvijate
i mò si' deventate industrijale.
Loggecamènte tu si' lavurate!
L'azziende é deventate Nazionale.
Però,inzomme t' si' circondate
d' bèlle fijje, tutte 'ste quatrane,
a une a une te le si'capate.
Fanne i biscotte i abbuschene le pane.
Te' sessant'anne, assieme alla famijje
tu sta' p' fa' l'innaugurazione
no a 'na cose ch'é d' fantasije,
ma è concrète la soddisfazione.
I giuste é i' più béjje compleanne,
ammézze a 'st'allegrija genuine.
Puzza campa' 'n'atre sessant'anne
i sémpre 'mbulverate d' farine.
San Beneditte 24.10.2002
I TEMPE VOLE I NNU' NC' N'ACCURJEME
I tempe nt'è l' scenne ippure vole,
vulenne tutte cose lasse arrete
i nc' s'accorje cumme da vaijole
c' s' retrove grosse i nc' s' crete;
i tempe è ore, ha ditte quacchedune
i n' ns'ha da' sciupa' p' l' sciocchezze,
s'une i sciupe nci redà nisciune.
C'reste solamente l'amarezze
Ecche perchè la vite è cumplicate,
pi' sbaije che s' fanne mentre vive
però s'une è state ben formate
n' va sicuramente alla derive.
Jesempie è quiste, è quiste 'nanze a nn'
che della vite ha fatte 'n tesore
i l'affrontate propje a tu per tu,
cechenne d' n' fa' nisciune errore.
Ma vu dicete: cumma s' po' fa'!?
Jerrore jommene i cummette sempre;
soltante Ddije n' nz' po' sbaija'.
I jommene che te'na'certa tempre
s'po'sbaija'di mene, ma s' sbaije.
E' naturale, già v'l' so' ditte,
però s'une 'nziste, daije i daije,
rejesce sempre a caminà deritte.
però c'vò la forze i j curagge
'Ste cose SIGISMONTE j'aiutate,
da quande ha cumenzate quiste viagge
la FEDE maj n' n' jabbandunate.
I bon'esempje,i sacrifice fatte,
'na vite dedicate a la famije,
a j lavore, fatte sempre esatte,
i sempre pronte a da' bone cunsije.
Sono i valori questi della vita:
la dedizione alle cose belle,
fare di essa una gran bella gita
serena, scevra dalle "marachelle".
"Padre Luigi", scuseme 'ste scherze,
però t' dice, ch' i core 'mmane,
ca si sapute bbone regge i sterze,
ecche perchè t'attocche n'addemane
tranquille, pijne d' soddisfazione,
senza pentirte delle cose fatte
perchè so' state fatte bone.
D' queste tu a da esse soddisfatte.
S' tu sapisse quante c' despiace
d' n' vederte salle quelle scale,
ma nello stesse tempe a nu' c' piace
dirte ch'tu p'nu' si sempre uguale.
D'l'amecizia té seme orgogliose;
remane sempre jommene stimate
'ntramente tu t' gude i ripose
che degnamente t' si meritate.
Quale pò esse jaugurje nostre?
Guderte 'ste ripose senz'affanne,
tante s'sa la vite ch'è 'na giostre!
Ma tu puzza campa' più d' mill'anne.
QUEST'E' LA MODE
Ma c' penzéte, oh! So' cinquant'anne!
Quant'acque c'e passate sotte i ponte!
Passene j'anne, ma però n' sanne
ch'a nnu' c' pùrtene a quell'atra sponte.
Però p' nnu' è quasce necessarje
a recurda' le cose belle i brutte
atre n' stème a ffa' che 'n dijarje,
quinde conviene a recurdarle tutte.
Non proprje tutte, inzomme, quacche cose
p' dimostra' a jatre ca la vite
nn'è state quasce maje colorrose,
ma certe vote, quante maje te crite,
è pure bèlle,anze e proprje bèlle!
Da giunettijje appresse a le vajjole,
ammézze a tutte quélle marachelle
vedive i prate pijne de vijole
I j'atri fiure tutte colorate,
i' céle sénza nuvele la sere,
la notte spérze p' ll' serenate,
paréve ch'éve sèmpre primavere.
I s'facivene i più béjje sonne
a cchje aperte, mèntre stive svijje;
sole s' svulazzéve quacche vonne
gia 'n cocce t' saldéve quacche rijje.
I mmò i rijje se ne so' scappate,
hanne pijjate tutte 'n'atra vije,
'ncocce a 'sti fijje mo s' so' ficcate,
spèce d notte fanne i munnesbijje;
I lore fanne chijje bbèjje sonne,
da 'n cocce n' nci lève più nisciune,
pure se nne svulazze quacche vonne,
so' più vistose dentre i cavezune
bèjje attillate, ca se schjorte i' cojje
pe jj' che j'occhje appre a quélle curve,
'po quande vanne in gire quasce spojje...
Allore ... Bhhè! N' nnè che jj'disturbe.
E' queste 'na parèntese che s'apre
a tuttequante a quélla cèrte étà
ma subbete se chjude i nz'rejapre
pure se tte' la bona volontà.
Già te retruve grosse i ll' cervèlle
cumìnzene a penzà d' nn'atre mode.
Dùrene poche quéste cose bbèlle,
Dùrene quante pò durà 'na mode.
inizio
-libri editi -parlato
pulito - sposi -politica-
amici - altre rime
-immagini -giochi-
nomi - prosa - novità
© 2004 by Duilio De Vincentis- tutti i diritti delle immagini usate sono
dei rispettivi titolari s.l.
Webdesigner:weball - curato
e messo in rete da |
 |