<Miercurì> , me diciste na sera ,

<Miercurì viene ccà che t'aspetto>.

Ma po' invece , chi 'o ssa , pe' dispietto ,

nun veniste , e d'allora mai cchiù .

Miercurì...So' passate sei anne ,

e oramaje tu si' mamma 'e tre figlie:

stammo 'e casa 'int''o stesso quartiere ,

e i' te veco ogni juorno 'e passà .

Chistu core , 'o ritratto 'e ll'ammore ,

nun capisce ca tu si' spusata ,

nun 'o ssape ca tu mo si' ' e n'ato

e se mette ogni ghiuorno a cantà .

I' te guardo e te leggio 'int''a ll'uocchie

-'nnammurate sincere 'e na vota -

'a tristezza 'e nu bbene perduto ,

tutt'ammore ca nun me può dà .

Miercurì...si ce fusse venuta ,

chill'ammore nun sarria falluto ,

i' nun stesse abbracciato a 'o passato ,

tu nun stisse murenno , campanno cu' n'ato !...