Cliccare sulle icone    per ascoltare le versioni audio della filastrocche!

Per i più piccini

(Si accarezza la manina al bimbo
e alla fine gli si fa il solletico sul palmo)

Manìna bela,
Fata penèla,
dove sétu stata?
Dala nòna.
Cossa te àla dat?
Pan e late,
Gate, gate, gate!

(Variante)
Manìna bela,
Fata penèla,
dove sétu stata?
Dala nòna.
A far còssa?
A magnàr pan e late,
Gate, gate, gate!

(Tenendo il bimbo sulle gambe
e facendolo saltellare)

Totò cavalo biso,
La mama va a Treviso
Co tre cavài bianchi
Bianca la sèla
Adìo ninéta bèla!

(Variante)
Totò cavalo biso,
La mama la va a Treviso,
Al papà al va sui campi,
Co tre cavài bianchi
Montà sula sèla
Adìo mamina bèla!

(Si Fa ondeggiare la manina al bimbo
e alla fine gliela si dà leggermente contro la guancia)

Man, man morta
Che peta sula porta
Che peta sul porton
Daghe 'na s'ciafa al to parón!

(Inboccando il bambino per convincerlo a mangiare)
In bóca a mi
In bóca a ti
In bóca al can
…aan!

(Alla fine della filastrocca si tira un orecchio
al bimbo citando il suo nome)

Tirén, tirén le corde
Le corde de arzénto
Le costa milezhénto
Zhentozhinquanta
La pecora la canta
La canta sul secièr
La ciama 'l pegorèr
Al pegorèr l'è 'ndat a messa
La ciama la contessa
La contessa l'è in giardìn
La ciama Giovanìn
Giovanìn l'è inte la stala
Che'l varna la cavala
Cavala e cavalìn
Tìreghe 'na récia
A ……… musìn!

(Sfiorando con un dito le parti che si nominano
e alla fine stuzzicando il nasino)
Océt bèl
So fradèl
Recéta bèla
Só sorèla
Bochéta del frate
Din din che bate!

(In tono canzonatorio)
Bòcia panòcia,
Co 'l cul pelà,
Bianco, rosso e ricamà!

 

Filastrocche

Rìva 'l conte
Co le bràghe ónte
Col capèl de pàja
Conte canàja!

Pit, put, pét
Salta fòra un putinét
Un par mi,
Un par ti,
Un par Bèpi Fusilét
Pit, put, pét!

Ara bàra
Cotìro cotàra
Bin bón
Cotìro sabión
Fighi séchi
Lèva la bòta
Compare balòta!

San Martin le 'ndat sui cópi
A trovàr i viéri róti
Viéri róti no ghe 'n era
San Martin le cascà par tèra
Al se à rót una culata
E so mare mèda mata
La ghe à mess un cerotìn
Viva viva San Martin!

San Paolo ciaro,
Zheriòla scura
De l'inverno no vén pì paura,
Ma se pióve e tira vento
De l'inverno semo rento.
[ma sol o da solàr, quaranta dì i è ancora da pasar].

Din dòn,
L'è mort quel òn
Quel òn da prà,
L'é mort donà,
Donà dal ciél,
L'è mort Micèl,
Micèl da la campagna,
L'è mort la cagna,
La cagna da làt,
Viva Piero Cavalàt!

Cici burìci
Canpàna martèl
S'cìpa la vaca
Làta 'l vedèl.

Mèjo colèjo
Ciàpa la borsa
E va de corsa!

(Contando sulle dita)
Ùnero, dùnero, tènero,
Quàra, quarèlo,
Biséto, martèlo,
Botón da diése, Agnese.

(Variante)
Ùnero, dùnero, tenero,
Quàra, quarèlo,
Buséta Martèlo,
Inglese, novése, diése.

Andén a la guèra
Col s'ciòp par tèra
Col s'ciòp par màn
Pin, pun, pan!

Salto biralto
Fóia de canalto
Fóia de biso
Salta in Paradiso!

Pióve, pióve
La gata no se móve
Al gal no canta pì
Chichirichì!

(Variante)
Pióve, pióve
La gata no se móve
Inpìnzha la candela
E diss buonasera!

Su e do sessantanóve
Case nóve da fitàr
Daghe la pàpa al vècio
Dàghela col cuciàr
Che 'l se torne maridàr.

Din, den, dòn
Quatro vècie sul balcón
Una che lava,
Una che stira,
Una che fa capèi de paja
Una che prega 'l bón Dio
Che ghe mande un marìo.
Lazarìn de Francia,
Me péletu sta narànzha?
Tuta la not canta 'l gal
Chichirichi!
Dov' éla la nona?
Sóte 'l banco.
Dov' élo 'l banco?
Brusà 'l fógo.
Dov' èlo 'l fógo?
Stusà l'aqua.
Dov' éla l'aqua?
Bevesta i lupi.
Dov' éli i lupi?
I à fàt la strada.
Dov' è la strada?
L'à quèrta la neve.
Dov' éla la neve?
L'à desfàda 'l sól?
Dov' élo 'l sól?
In casa del Signor!

Din, den, don
Le canpàne da Marón
Le sonea tanto forte
Da butàr do le porte
Ma le porte le era de fèr
Volta la carta che l'è un capel
Un capèl pien de piova
Volta la carta che l'è 'na rosa
'Na rosa che sa da bón
Volta la carta che l'è un melón
Un melón l'è massa fat
Volta la carta che l'è un mat
Un mat da ligare
Volta la carta che l'è un pare
Un pare che à dó putèi
Volta la carta che l'è dó gemèi
Dó gemèi che fa ostarìa
Volta la carta che l'è finìa.

Lina Linài
Co zhento cavài
Co zhento caròzhe
Méneme a nozhe.

Maria
Scarpìa
Scarpión
Pissa par tuti i cantón
Pissa par qua
Pissa par là
Fin che te resta col cul pelà!

L'era 'na 'olta
Piero se volta
Casca 'na zhópa
Piero se cópa
Casca un figo
Piero le vivo
Casca un secio de late
Piero se lava le culate.

Toni Bòni Va al marcà
Co 'na feta de salà
Co 'na feta de polenta
Toni Bòni se contenta.

Toni Bòni Cul de fèr
Pianta ciodi inte 'l solèr.

Rita pita
pónde i óvi 
sul tabià.

Chi che va a Santa Lucia
I lo ciapa par na recia
E i lo porta via.

Pater noster
Qui es in cieli
Su 'na stanga sta i osèli
Su quel'altra sta i colombi
Pater noster senzha fondi.

Pater noster
Qui es in cieli
Su 'na stanga sta i osèli
Su quealtra i colombin
Pater noster picenìn.

Ave Maria Grazhia plena
La bicicleta no la frèna
Al campanel no 'l sòna pì
Chichirichì.

(Variante per i più grandi)
Ave maria Grazhia plena
La bicicleta no la frèna
Al campanèl nol sòna
La bicicleta l'è 'ndata in mona.

Un, dó, tre
La bepina fa 'l cafè
Al cafè co la ciocolata
La bepina deventa mata !
(oppure)
La bepina l'é malata!
(oppure)
La bepina l'é tuta mata!

Tronba de culo
Sanità de corpo
Sbròchete culo
Se nò son morto.

Ma e mò
I era fradèi
Un fea màneghi
Cheàltro cortèi.

Prima al piant
Dopo 'l rit
Come la mussa
De Bepi Sbrìt.

Questa l'é la storia
De la vaca Vitoria
Morta la vaca
Finisse la storia.

 

Scioglilingua

Ti che te tàca tàc,
tàcheme i me tàc.
Mi tacàrte i tàc a tì
Che te tàca tàc?
Ti tàchete i to tàc!

Ti intànt tàsi
Se no te tire tèra.

 

Panevìn

(Da cantare davanti al panevìn)

Vièn pan, vièn vin,
Vién segàla e segalìn
Vién milù, vién pilù
Vién la grazhia de Gesù
Vién pàn e vin!

Vién pàn, vién vin
La pinzha sul larìn,
La polenta sul fondàl
Viva viva al Carnevàl.

Me barba Tita Baro
Al se à brusà 'l tabàro
Al sa da brustolìn
El panevìn!

Rénghe, strénghe, bisatèle
Che le tose vegna bèle
Che i tosàt ghe vàe vizhìn
El panevìn!

 

Paesi

A Salvatoronda i fa la polenta tónda.
A Bibàn de sora i fa la polenta inte la farsóra.
A Bibàn de sot i fa la polenta col sorgo còt.

Luna de Orsago,
Ligàda col spago,
Ligàda col fìl,
Luna de Orsago inbezhìl.

O signor
da San Fiór
Quel da Frata
Al me l'à fata
Quel da Castèl
L'è so fradèl.