|
Burdezzandu
|
|
| Cu a trinchettin-a, na man de terzajœu | |
| Fassu bulinn-na e u mâ tegnu au mascun. | |
| Me sentu regaggiu, me s'arve u cœu. | |
|
|
Du mundu me pâ d'ese u gran padrun |
| Franze de prua, va suttu u trincarin. | |
| Che raffega ! Ghe orzu; me dà bun. | |
| Oua a s'asmorza, ghe puggiu, cian cianin | |
|
|
Du mundu sun mi sempre u gran padrun |
| Allascu a randa: me mettu au giardinettu. | |
| Tuttu s'acqueta; sajò in sciu bordu bun. | |
| Me stendu cumme in Papa intu puzzettu. | |
|
|
Du mundu sun mi sempre ciù padrun |
| Luntan dae beghe, dai ceti e dai ceghin | |
| de in mundu che gìa sempre ciù all'inversu | |
| burdezzu in mâ, mi sulu, e quattr'ochin | |
|
|
Du mundu sun padrun? Dell'universo |
|
|
|
| Gennaio 1997 | |
| All'impareggiabile dinastia dei Carattino | |
| Umberto Paventi | |