Tammurriata a San Custanzo
E salutammo primma 'o Santo nuostro
e salutammo primma 'o Santo nuo'
ca venette de ll'uriente
purtanno 'na luce annanzo(1)
venette de ll'uriente San Custanzo
Jeva 'ngoppa 'na nave e a'nnotte a'nnotte
jeva 'ngoppa 'na nave e a'nnotte a'nno'
'na tempesta all'intrasatte(2)
e lu mare se la gnotte(3)
Custanzo se menaje dint'a 'na votte(4)
E ppe ttre ghiuorne int'a 'sto votta votta(5)
e ppe ttre ghiuorne int'a 'sto votta vo'
cuoll'e mare(6), pisce cane,
famme, sete e sarracine
Custanzo sbarcaje 'nterra a 'sta marina(7)
Quanno arapette ll'uocchie 'ngopp'a spiaggia
quanno arapette ll'uocchie 'ngopp'a spia'
dicette grazzie Signore
pe cchist'Angelo Salvatore
ma era nu caprese pescatore
Je chesta terra la voglio guardare
je chesta terra la voglio guarda'
da disgrazzie, da assassini,
da pirate e senza legge
e 'a tanno San Custanzo ce prutegge
e 'a tanno San Custanzo ce prutegge
e 'a tanno San Custanzo ce prutegge
----------
note
- luce annanzo fa riferimento alla luce della fede portata dal
vescovo Costanzo venuto in occidente per combattere alcune eresie
- all'intrasatte: d'improvviso
- se la gnotte: l'inghiotte
- se menaje int'a na votte: si infilò in una botte
- votta votta: intraducibile, si riferisce all'ondeggiare del mare
- cuoll'e mare: grosse onde
- 'sta marina: riferimento alla "Marina Grande" dov'è particolarmente
sentito il culto del Santo e c'e la bella Chiesa a lui intitolata
----------
Il testo e le note di traduzione sono stati segnalati da Riccardo Pecoraro
del gruppo 'A Meza de Seje di
Capri - www.mezadeseje.it -. Grazie del
prezioso contributo.
