Serenata di Pollocenella
(Giovanni Paisiello – 1740-1816)
Gioia de st'arma mia cara nennella:
mia luna nsestagesima, mbriana,
mia luna nsestagesima, mbriana.
Abbascio cca' nce sta Pollocenella,
Pollocenella;
ca te sona de core la Diana.
Gioia de st'arma, cara nennella,
cara nennella.
Abbascio cca' nce sta Pollocenella,
ca te sona de core la Diana.
E la Diana e ba'
la nennella ch'io voglio bene,
fall'ammore fall'affaccia',
e ba', e ba', e ba',
e ba', e ba', e ba',
la nennella ch'io voglio bene,
fall'ammore fall'affaccia',
fall'ammore fall'affaccia',
fall'ammore fall'affaccia'.
Serenata di Pulcinella
(Versione interpretata dalla Nuova Compagnia di Canto Popolare)
Ué, ué, nenné s'affaccia
Ué, ué, nenné s'affaccia
Ca sta Pullecenella, Pullecenella, Pullecenella
Te caccia la lenguella
E dice i' sto ccà, i' sto ccà, ué ca i' sto ccà
Te caccia la lenguella
E dice i' sto ccà, i' sto ccà, ué ca i' sto ccà
(recitato:) Ma pecché nun t'affacce, che t'aggio fatto de male, 'ndretella mia?
Ué, ué co sta resella
Ué, ué co sta resella
Co 'st'uocchie e co 'sti vruoccole, co 'sti vruoccole, co 'sti vruoccole
Lo core comm''a spruoccole
Me staje a strazià, a strazià, ué a strazià
Lo core comm''a spruoccole
Me staje a strazià, a strazià, ué a strazià
(recitato:) Ma pecché nun t'affacce, nun vide ca ce sta Pullecennella ca fa 'a
sputazzella?
Gioia de 'st'alma mia jesce ccà ffora
Gioia de 'st'alma mia jesce ccà ffora
Ca mammeta nun c'è, jesce a mmalora
Ca mammeta nun c'è, jesce a mmalora
(recitato:) Viento ventatela,
Munte muntatela,
Stelle stellatela,
Acqua addacquatela,
Fuoco 'nfucatela!
Si craje tu truove 'nfosa 'sta chiazza
Si craje tu truove 'nfosa 'sta chiazza
So' lacreme d'ammore e no sputazza
So' lacreme d'ammore e no sputazza
(recitato:) Carugnona,
Carugnona,
Carugnona,
Carugnona,
Carugnona!
