Rosella

(Alfonso Guercia)

Vuoje sapere s'io faccio all'ammore?

Sora mia, te risponno ca sì:

e chi tengo mò dinto a lu core

è 'no bello figliolo porzì.

Isso ha 'ncapo de farme felice

mme lo mmosta, ma non me lo dice.

Isso ha 'ncapo de farme felice

mme lo mmosta, ma non me lo dice.

De matina, de sera e de juorno,

ca patesce me vene a cunta',

po' repete lo stesso taluorno

e nun saccio che l'aggio da fa'.

Si parlasse de cose cchiù allere

mmereta' me farria cchiù piacere.

Si parlasse de cose cchiù allere

mmereta' me farria cchiù piacere.

Quacche bota chiamannome bella

m'addimanna:- Tu m'ame, Rose'? -.

Lle responno:- Chi cchiù de Rosella

pozz'amarte a lo munno non c'è -.

Che corrivo! Quann'isso lo sente

resta llà, nè addimanna cchiù niente.

Che corrivo! Quann'isso lo sente

resta llà, nè addimanna cchiù niente.

De ss'amante 'nzertune e ghielate

pozzo fa' capitale? Gniernò.

Trovamenne tu n'auto cchiù grato

che levare d'affano me pò;

nè la lengua fa scennere 'ncanna,

ma te faccia quacc'auta addimanna.

Nè la lengua fa scennere 'ncanna,

ma te faccia quacc'auta addimanna.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it