Piedigrotta

(Francesco Florimo (1800-1888) – A. De Lauzières (1819-1894))

Chi diceva ca non ghieva

a la festa a Piedigrotta?

Mo non songo cchiù nennella

piccerella bardascella,

non me fanno asci' cchiù sola

non so' brutta e so' figliola,

si non ghiette mo fa l'anno

maro aguanno a chi nce va

sa' che mmidia nce sarrà.

Pe' fa' arraggiata a chesta e a chella

m'aggia fare cchiù che bella

e lo meglio granatiere

n'artigliere 'no lanciere

già mme pare che lo vedo

pe' mme cerca' lo congedo,

si zetella vaco aguanno

da ccà a n'anno chi lo sa

comme nce aggio da torna'.

M'arricordo n'auta notta

jette pure a Piedigrotta,

tanno sì ch'era tantella

peccerella, criaturella,

sempe 'mbraccio fuje portata

mo da mamma e mmo da tata,

me portajeno a duje anne,

'ntra du' at'anne se vedrà

si pur'io aggio a porta'.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it