'Nammuratuccia mia

(P. Rondinella – 1825-1898)

Nammuratuccia mia nammuratuccia

tu m'aje sparato senza ire a caccia.

E pe' chesta faccella agraziatuccia

'stu core me se fa 'na carta straccia.

Vaco de renza peo de 'na palluccia

non aggio suonno all'uocchie e rise 'nfaccia.

Pe' te so' cacciuttello ca s'accuccia

so' fatto verde cchiù de 'na vurraccia.

Già che si' nata accossì acconcia e soccia

lo masto Giorgio me darrà li secce.

E me ne moro cu a lu cigno miccio

e mme spertoso comme a 'no setaccio.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it