Masto Rafae'

(Luigi Chiurazzi (1831-1926) – Vincenzo De Meglio (1825-1883))

Nè, Masto Rafele, chedè? Te si 'ngignato!

Comme n'ammartenato e guappo vuo' passa'!

'Sto brutto crovattone a te non te sta buono!

Vatte' va' leva suono, non te ne 'ngarrica'!

T'ê fatto 'stu cazone... Eh, quanto si' caruso!

Pare 'no guallaruso che non po' cammena'.

Ferniscela 'na vota, non fareme sfiatare,

lo guappo cchiù non fare, non te ne 'ngarrica'!

Mogliereta la vesta che porta fina fina

me pare 'na mappina una de chelle llà...

Ma tu comme a 'no scemo 'ntallea e sta a guardare,

cerca primmo apparare, non te ne 'ngarrica'.

E comme? A 'nu barcone vo' sta' sempe affacciata

'ncrifata ed aparata? Acunnte addà piglia'?

Ma tu che si' 'no locco o pure si' cecato,

vuo' fa' l'ammartenato... Non te ne 'ngarrica'!

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a: