|
|
Lu suspiro(Giuseppe Saverio Mercadante (1795-1895) – Marco D'Arienzo)
Suspiro, da 'stu pietto tutto ardore vola a Ninno che fede m'ha jurato. Nun dirle ca sospiro si' d'ammore nun fa' assape' da chi tu si' mannato. Comm'apa che cercanno va la rosa lo core suojo cerca e llà te posa.
Quanno te si' posato a poco a poco penza tu de levarme 'no golio. Guarda si ll'appicciato pe' mme fuoco e se scritto nce sta lo nomme mio. Addimanna si puro ha susperato e si chille suspire a me ha jettato.
Ma si truove ca io so' 'na sbentorata e Ninno è fauzo, sgrato, tradetore retornatenne a st'arma sconsolata senza da' manco signo de dolore. Ca a Nenna non remmane auta speranza che la fossa che già se spaparanza. |
__________________________________________________________ Sito realizzato da Gaetano VARIABILIS Invia liberamente testi, traduzioni, foto, commenti o altro materiale a: |