Lo chianto de lo marenaro

(Barone Ferrari – Nicola De Giosa)

A 'na varca abbandonato

sta 'no scuro marenaro

pe' lo chianto desperato

n'ave forza de vocare.

Pe' lli smanie e lo dolore

già s'è miezo 'nzallanuto

ca lo mare tradetore

'na nennella s'ha agliuttuto ah!

ca lo mare tradetore

'na nennella s'ha agliuttuto.

Marenare poveriello

n'ave forza de voca'!

Voca, voca,

pe' lli smanie e lu dulore

già s'è mezzo 'nzallanuto.

Dice sempe:- Sciorta sgrata -,

pare proprio 'na pazzia

'na tempesta mmalorata

s'ha pigliate Rita mia.

Zetellucce de 'stu core

nun sentite a marenaro

ca lu mare tradetore

a li pisce ve po' dare ah!

ca lu mare tradetore

a li pisce ve po' dare.

Marenare poveriello

n'ave forza de voca'!

Voca, voca,

zetellucce de 'sto core

non sentite a marenaro.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it