La zingarella

(Guillame Louis Cottrau – 1797-1847)

Non se tratta de jacovelle, spassatiempe, pignole e nucelle

ma de leggere dint'a li stelle che de stristo e de buono nce sta.

Chi se vo' fa' annivina' da 'na guappa zingarella,

chi la sciorta se vo' appura'?

'Rapa la mano, la zingara è ccà.

Saccio dìreve qua' zitella che non trova la notte arricietto

'ntra chist'anno, cagnanno de lietto, suonno chino 'nfi all'arva farà!

Chi se vo' fa' annivina' da 'na guappa zingarella,

chi la sciorta se vo' appura'?

'Rapa la mano, la zingara è ccà.

A l'affritte vedovelle 'mbè patute e 'mbè appasuliatelle

saccio dicere chella bon'anema quann'ì chiagnere hanno a lassa'.

Chi se vo' fa' annivina' da 'na guappa zingarella,

chi la sciorta se vo' appura'?

'Rapa la mano, la zingara è ccà.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a: