|
|
|
|
Jesce sole(M. L. Fischetti – 1830-1888)
Jesce sole, jesce sole, nun te fa cchiù suspira' siente maje ca le ffigliole hanno tanto da pria'. Pe' ce fa' la faccia nera viene sempe de carrera; pe' fa' janche li lenzola le stanfelle vuo' piglia'. Jesce sole, jesce sole, nun te fa cchiù suspira'.
Jesce sole e ccà te spanne Providenza de chi lava! Si lo vero asciuttapanne ca se gode e non se pava! Lloco 'ncoppa che nce faje? 'Ntra le nnuvole te staje comme fusse 'nu 'ncantato che non sape c'ha dda ffa'... Lo Signore t'ha criato la colata p'asciutta'.
De trica' non hai ragione, chi te prega tiene mente, de la scumma de sapone so cchiù ghianche chisti diente, songo vrecce cheste braccia, non te parlo de la faccia: pe' tagliarce lo colore lo cortiello può piglia'... comm'a cchisto n'auto sciore nun farraje maje cchiù schioppa'. |
|
__________________________________________________________ Sito realizzato da Gaetano VARIABILIS Invia liberamente testi, traduzioni, foto, commenti o altro materiale a: |