Don Ciccio alla fanfarra

(Teodoro Cottrau (1827-1879) – R. Colucci)

Scustateve, scustateve

mò passa Don Ciccillo

n'allucco suoio 'nu strillo

fa tutte vuje tremma'.

Ha da vede' chi sona

lo flauto e la chitarra

Don Ciccio alla fanfarra

ch'è 'o core de mammà.

Cu' 'a sposa sott' 'o vraccio

s'enteseca e cammina;

cu' n'aria paregina

guarda da ccà e da llà.

Venuto è da l'Abruzzo

lassanno zappa e marra...

Don Ciccio alla fanfarra

ch'è 'o core de mammà.

Va tutto 'nfanfaruto

cantanno pe' la via

"Pe' te sposina mia

me sento consula'".

Co' scisco fa 'na museca

nun saccio comm'a 'ngarra...

Don Ciccio alla fanfarra

ch'è 'o core de mammà.

Vicino a n'acquaiolo

'mmerteca cu' li spalle

bucchiere e purtuvalle;

fa tutte abbuteca'.

'No rano nun possede

che po' pava' 'na giarra...

Don Ciccio alla fanfarra

ch'è 'o core de mammà.

__________________________________________________________

Sito realizzato da Gaetano VARIABILIS

Invia liberamente testi, traduzioni, foto, commenti o altro materiale a:

variabilis@libero.it