'na vigna de ua fraga
cole so foie bele grande
che la fa tanta ombria
e tre banchete soto.
'I gloriet
l'era la poesia
del me picolo paese.
'l logo preferìo dei puteloti
che i ghe zughèa tuto 'l dì
e dei morosoti che i se scondea
par darse 'n baso.
La sera dopo zena
cola luna par lucerna
i omeni e i veciòti
i se godea polsando 'n poco
a ciacolar de questo e de quelo.
Le dòne le se paséa e comentéa
le ricete par far da magnar.
Picolo gazebo,
adeso quande paso de lì
vardo da cola parte
ma no vedo pù gnente
e me se strenze el cor.
Te sì nà distruto
come tante altre bele robe
che le donea al me paese
tanta poesia.