Quando sona mezodì de segar se lassa lì, meti la prea nel quaro meti el fero su 'n fagaro e va drìo a l'odor de la polenta che la è for,
su 'n bel tabiélo, ma no se la taia col cortelo, ma con en fil de bombaso e se la magna quasi col naso.
Dal bon profumo e saor col formai meio ancor, o con na mortadela o coi crauti n' de na padela,
la panzeta o 'l scodeghin questo l'è magnar del contadin,
per bever gh'è el vin de fraga che mai te 'nbriaga
forsi el fa girar en poc i oci o scorlar le braghe, o i zinoci.