Filastrocche ricercate dai bambini delle classi III A e B. I nonni e i genitori dei bambini hanno collaborato allo svolgimento della ricerca.

Insegnanti di classe: Mariagrazia Zago e Tiziana Camerotto

Piova piovesina

Piova piovesina
a gata va in cusina,
a spaca le scodee,
a salva e pi bee,
a va in passa,
a compra a saeata,
a compra i ravanei,
viva viva i bei putei.

Piova piova

Piova piova piovesina
la gatta va in cusina,
a rompe na scuea
a rompe quea pi bea
a salta sul balcon
a salta sua porta
a gatta a xe morta!
Sì signora
Sì signora
No signora.
A pignata va passora
a pignatea va da basso
e a signora va a spasso.

(Ricerca di Giordano)

Manina bea

Manina bea
fata a penea
dove situ stada?
Dalla nonna
cosa ti ha dato
polenta e latte
gate gate gate.

Sie par oto

Sie par oto
asino coto.

Sior Intento

Questa xe a storia de Sior Intento
che dura tanto tempo
che mai no se sbriga
vutu che te a conta
o vutu che te a diga?
Che te me a conti!
No se dise mai che te me a conti, perché
Questa è la storia de Sior Intento
che dura tanto tempo
che mai no se sbriga
vutu che te a conta
o vutu che te a diga?
Che te me a diga!

Pon pon d’oro

Pon pon d’oro
a mela arancia
questo xogo
se fa in Francia
lelo lelo mi
lelo lelo ti
te sta fora proprio ti.

Giro giro tondo

Giro giro tondo
Casca el mondo
Casca par tèra
Tuti zò par tera.

Man morta

Man morta man morta
peta su pa a porta.

Boca a ti

Boca a ti
boca a mi
boca al can
am am.

Pipino e Pipeto

Pipino e Pipeto
I va su ‘l tèto
Via Pipino
Via Pipeto
Ritorna Pipino
Ritorna Pipeto.

Pinòchio in biçicletta

A la larga
A la streta
Pinòchio in biçicleta
Oilì oilà
Pinòchio se ga ribaltà.

Siensio perfeto

Siensio perfeto
che el diavoeoel xe in leto
che el ciucia el confeto
el confeto el se duro
peteo su par el muro.

Go fame…

Go fame
magna curame
go se
bevi asè
go sono
va dormir co to nono.

(Ricerca di Leonardo)

Manina bela

Manìna bela
Fata a penèla
Dove sito ‘ ndata ?
Da la me nona
E cossa gatu magna ?
Polenta e làte
Gate gate gate.

Pin pin

Pin Pin
Soto el me camin
Soto el me palàsso
Scampa senò te màsso.

Din Den Don

Din Den Don
le campàne de Dosson
che le sona tanto forte
da butàre zò le porte
e le porte xe de fero.
Volta la carta ghe xe un capèlo,
el capèlo pièn de piòva.
Volta la carta ghe xe ‘na rosa,
e la rosa sa da bon.
Volta la carta ghe xe un melòn,
el melòn xe massa fato.
Volta la carta ghe xe un mato,
el mato liga tuti.
Volta la carta ghe xe un mussèto,
el mussato de la Maria,
Volta la carta che la xe finia.

(Ricerca di Luca V.)

Bìgoi bàgoi pangratà

Bìgoi bàgoi pangratà
tote a mussa e va al marcà
el marcà xe xa finìo
tote a mùssa e torna in drio.

Caro el me ben

Caro el me ben,
sentà sul fen.
Pì che te vardo,
pì bèo te vien.

(Ricerca di Gresia)

Arlechin batocio

Arlechin batocio
sordo de un ocio
orbo de na recia
fiol de na tecia.

Manina morta

Manina morta
Che bate su la porta
Che bate sul portòn
Ton ton ton.

An can

An can
Toco de can
Toco de muso
Marcia cuso.

Caregheta d’oro

Caregheta d’oro
che porta el me tesoro
che porta el me bambin
caregheta careghin.

Scioglilingua

Buongiorno compare Tachi!
Me tachitu i tachi a mi?
Mi che te taco i tachi?
Tachete ti i to tachi!

Nana bobò

Tuti i putei fa nana
e (nome del bimbo) no.

La settimana

Luni xe ‘nda da marti
par saver da mercore
se xioba gavea sentio da venare
che sabo gavea dito
che domenega xe festa.

Ninna nanna

Nana burata
i spini par a gata
i osi par i cani
i fasioi par i furlani
a cota par i preti
a moena par i veci
el mejo pai osei
a papa pai putei.

Pia Pia sona

Pia Pia sona
to pare te bastona
to pare te vol ben
Pia Pia sona ben.
Pan e vin
Pan e vin
a vecia su pal camin
pan e acqua
a vecia su paa napa.

(Ricerca di Alberto)

Salto biralto

Salto biralto
me rompo el capo
me rompo el viso
salto in Paradiso.
Receta bea
Receta bea, so sorea,
oceto beo, so fradeo,
ceseta del frate,
campanel che bate.

Manina bea

Manina bea,
fata a penea
dove situ staa?
Daa nona.
Cossa gatu magnà?
Pan e late.
Gate gate gate!

(Ricerca di Giuliano)

Fa’ la nana bel putin

Fa’ la nana bel putin,
che la mama xe ‘ndaa al mulin,
el pupà xe ‘nda in Domo
e el putin xe pien de sono.

Nina nana, para via i bobò

Nina nana, para via i bobò
che doman de matina vegnarà el papà.
Cossa te porteo? Mi no so.
Nina nana, para via i bobò.

Nana cunetta

Nana cunetta
a mama xe ‘ndaa a messa
el papà xe ‘nda soi campi
co tre cavai bianchi
bianca a sea
bianco el sein
fa a nana bel bambin.

Cavalino biso

Cavalino biso
la mamma va a Treviso
el papà va soi campi
co tre cavai bianchi
bianca a sea
tuti xo par tera!

Pinochieto va sui copi

Pinochieto va sui copi
a catar i vovi rossi
vovi rossi no ghe jera
Pinochieto va par tera.

Tutù cavalo biso

Tutù cavalo biso
la mamma va a Treviso
a comprar l’insaeata
un omo la ciapa
la mete in preson.
La salta sul balcon
el balcon jera verto,
la salta sul leto
el leto jera duro,
la salta sul muro
el muro jera roto,
la salta sul posso
el posso jera pien de acqua
e xo che te nego!

(Ricerca di Luca V.)

Toc, toc cavàlo biso

Toc, toc cavàlo biso
la mama va a Treviso,
co’le tetìne piene
par darghele a le putèle,
le putèle no’ le vol
la mama ghe tol,
la monta sul fighèr,
la ciàma el caeghèr,
el caeghèr jèra a Messa,
la ciàma la contessa,
la contessa jèra in giardìn
e la ciàma Joanìn
Joanìn jèra in stàla,
a governàr ‘na cavàla,
cavala cavalòn,
buta ‘sto putèl zo par el balcon!

Tutù cavàlo biso

Tutù cavàlo biso
la mama ‘a va Treviso
a comprar la ciabatìna
pa ‘a siora Meneghina
i òmeni la vede
la mete in presòn
la salta sul balcòn
el balcon jera vèrto
salta so ‘l lèto
el lèto ‘l jèra duro
salta so ‘l muro
el muro ‘l jera bianco
salta so’l banco
el banco ‘l jèra roto
salta so ‘l posso
el posso pièn de acqua
adio Meneghìna
negada soto acqua.
Piero col cul de viero

Piero col cul de viero
Col cul de paja
Piero canaja!
Risi e bisi pan gratà

Risi e bisi pan gratà
tote a mussa e va al marcà
el marcà xe finio
tote a mussa e torna indio.

(Ricerca di Alberto)

Pimpinella pimpinà

Pimpinella Pimpinà,
vol peseti no a ghe nà.
Un poco de pan, un poco de vin,
par sto povero picenin.

Le dita

Questo xe el vovo
Questo lo mete sul fogo.
Questo lo pea.
Questo lo magna.
E mi che son el pi picenin gnanca un tochetin?

Careghete done…

Careghete done
Che porta le Madone,
che porta i angioeti,
schiti, schiti in toea.

(Ricerca di Enrico)

Torna all'Inizio di pagina

Le pagine web sono state elaborate dall'insegnante Mariagrazia Zago